Ráðstefna um gæðamál í starfsmenntun og framhaldsfræðslu var haldin þann 9. desember 2011. Mikill áhugi var fyrir málefninu en 120 manns tóku þátt.  Kynnt voru góð dæmi um gæðastarf íslenskra fræðsluaðila og evrópsk verkefni á sviði gæðamála sem unnin hafa verið af íslenskum aðilum. Norskur sérfræðingur í gæðakerfum  kynnti evrópsk verkfæri sem þróuð hafa verið til að efla starfsmenntun og framhaldsfræðslu í Evrópu og mikilvægi gæðastarfs í því samhengi.   Í lokin ræddu þátttakendur framtíðarsýn og næstu skref í gæðamálum á Íslandi.

Gæði og gæðakerfi eru grundvallarhugtök í umræðu um nám og fræðslu.  Þessi hugtök leika einnig lykilhlutverk í umræðu um samstarf fræðsluaðila og í uppbyggingu gagnkvæms trausts, sem hefur t.d. áhrif á  möguleika nemenda til þess að flytjast á milli skóla, skólakerfa og landa.

Fjallað verður um gæði og aðferðir til að meta nám. Fulltúar fræðsluaðila kynna aðferðir og íslensk dæmi.  Einnig verða kynnt samræmd evrópsk kerfi og í lokin verða umræður í hópum.  Kynningarefni um Leonardo verkefni sem unnin hafa verið á Íslandi á sviði gæðamála mun liggja frammi.

Fundurinn er ætlaður fræðsluaðilum með sérstakri áherslu á gæðafulltrúa, starfsmenntakennara, skólastjórnendur, náms- og starfsráðgjafa og fulltrúa framhaldsfræðslu.